ວັດຜາໂອ ບ້ານຜາໂອ ເຂດປາກເຊືອງ ເມືອງຫຼວງພະບາງ ເຊີ່ງເປັນທັງວັດ ແລະ ສຳນັກຮຽນມັດທະຍົມສົງໃນນະຄອນຫຼວງພຣະບາງ ມີພຣະແລະສະມະເນນລວມ 500 ກວ່າອົງ.

ຫຼ້າສຸດວັນທີ່ 13 ຕຸລາ 2021 ນີ້ ອິງຕາມການແຈ້ງການຂອງຄະນະສະເພາະກິດ ສະກັດກັ້ນ ແລະ ຄວບຄຸມ ການລະບາດພະຍາໂຄວິດ-19 ຂັ້ນນະຄອນ ຫຼວງພະບາງ ໃຫ້ຮູ້ວ່າ ມີພຣະ ແລະ ສະມະເນນຕິດເຊື້ອໂຄວິດ-19 ຢູ່ທີ່ວັດຜາໂອ 9 ກໍລະນີ.

ກ່ອນໜ້ານີ້ ເມື່ອວັນທີ່ 11 ຕຸລາ 2021  ທາງຄະນະະສະເພາະກິດຂັ້ນນະຄອນ ຫຼວງພະບາງ ກໍ່ໄດ້ອອກແຈ້ງການໃຫ້ທາງອົງການປົກຄອງບ້ານຜາໂອ, ເຈົ້າອະທິການວັດຜາໂອ, ຜູ້ປະກອບການທຸລະກິດ ແລະ ປະຊາຊົນບັນດາເຜົ່າ.

ເພື່ອຮັບປະກັນບໍ່ ໃຫ້ມີການແຜ່ຂະຫຍາຍອອກເປັນວົງກວ້າງ ແນ່ໃສ່ເຮັດໃຫ້ພໍ່ແມ່ປະຊາຊົນ ມີຄວາມປອດໄພ ແລະ ບໍ່ໃຫ້ມີຜົນກະທົບຕໍ່ຊີວິດ, ສຸຂະພາບ ແລະ ເຮັດໃຫ້ເຂດດັ່ງກ່າວໄດ້ຮັບການຊີດຢາຂ້າເຊື້ອຢ່າງທັນເວລາ ຈື່ງໄດ້ອອກແຈ້ງການ ດັ່ງນີ້:

1, ໂຈະຊົ່ວຄາວ ການເດີນທາງເຂົ້າ-ສອກ ວັດຜາໂອ ຂອງພະສົງ-ສາມະເນນ ແລະ ປະຊາຊົນບັນດາເຜົ່າ ຢ່າງເດັດຂາດ(lock down) ຍົກເວັ້ນກໍລະນີຈໍາເປັນອັນຮີບດ່ວນຕ້ອງລາຍງານຈາກຄະນະສະເພາະກິດຂັ້ນບ້ານ

2.ໃຫ້ໂຈະຊົ່ວຄາວໃນການອອກບິນທະບາດຂອງພະສົງ-ສາມະເນນ ຕາມເສັ້ນທາງສາຍຕ່າງໆພາຍໃນນະຄອນ ຫຼວງໄພະບາງ ຈົນກ່ວາຈະມີແຈ້ງການປ່ຽນແປງ,

3.ໄຫວ້ພະສົງ-ສາມະເນນ ທີ່ໄດ້ສໍາພັດ-ໃກ້ຊິດກັບຈົວຜູ້ຕິດເຊື້ອຈໍາກັດບໍລິເວນຢູ່ກຸຕິຂອງໃຜລາວ, ເຊິ່ງກໍານົດເຂດ – ວັດຜາໂອເປັນພື້ນທີ່(ເຂຕແດງ) ຈຸດທີ່ມີຄວາມສ່ຽງໃນການຕິດເຊື້ອພະຍາດໂຄວິຕ-19.

4, ບັນດາຜູ້ທີ່ມີຈິດໃຈໃສສັດທາຢາກຈະກິນທານຢູ່ວັດທາໂສ ໃຫ້ປະສານສົມທົບກັບຄະນະສະເພາະຂັ້ນບ້ານຜາໂອສາກອນເພື່ອວາງມາດຕະການປ້ອງກັນຢ່າງເຂັ້ມງວດ.

5.ມອບໃຫ້ ນາຍບ້ານຜາໂອ ແຕ່ງຕັ້ງຫນ່ວຍແຕ່ງກິນເພື່ອຖວາຍໃຫ້ແກ່ພະສົງ-ສາມະເນນພາຍໃນວັດຕາມຄວາມເຫມາະ – ສົມ(ສໍາລັບຝ່າຍມາແຕ່ງກິນຕ້ອງແມ່ນຜູ້ໄດ້ສັກວັກຊີນຄົບຕາມຈໍານວນ).

6, ມອບໃຫ້ອໍານາດການປົກຄອງບ້ານຜາໂອ, ຄະນະສະເພາະກິດຂັ້ນບ້ານແຕ່ງຕັ້ງຫນ່ວຍປ້ອງກັນເວນຍາມຄົນເຂົ້າ-ອອກ ບ້ານ 24 ຊົ່ວໂມງ