ທີ່ຫ້ອງການບໍລິຫານງານ ສູນກາງ ອພສ ຫໍທັມມະສະພາ ວັດພຣະທາດຫລວງເໜືອ ເມືອງໄຊເສດຖາ ນະຄອນຫລວງວຽງຈັນ ໃນວັນທີ 8 ມີຖຸນາ 2023ນີ້,ພຣະອາຈານໃຫຍ່ ມະຫາເຫວດ ມະເສໄນ ຮອງປະທານ ສູນກາງ ອົງການພຸດທະສາສະໜາສໍາພັນ ແຫ່ງ ສປປ ລາວ,ອົງຊິ້ນໍາວຽກງານ ກໍາມາທິການເຜີຍແຜ່ ສິລະທັມ ແລະ ປະຕິບັດກັມມະຖານ, ທັງຊີ້ນໍາວຽກງານກໍາມາທິການ ສາທາຣະນູປະການ ສູນກາງ ອພສ ພ້ອມດວ້ຍ ພຣະອາຈານ ບຸນເສີຍ ເພົາພາສິດ ຄະນະກໍາມະການບໍລິຫານງານ,ຮອງຫົວໜ້າກໍາມາທິການສາທາຣະນູປະການ ສູນກາງ ອພສ,ພຣະອາຈານ ພຸດທະສອນ ອ່ອນວົງສາ ທີ່ປຶກສາມູນນິທີຊວ່ຍເຫລືອຄົນທຸກຍາກ ແຫ່ງ ສປປ ລາວ ແລະ ພຣະເຖຣານຸເຖຣະໃນຄະນະ ໄດ້ມອບປັດໃຈ ຈໍານວນ100 ລ້ານກີບ ໃຫ້ແກ່ ສູນກາງ ອພສ ເຊິ່ງ ຮັບໂດຍ ພຣະອາຈານໃຫຍ່ ຖາວອນ ຕາພອນປະເສີດ ຜູ້ຊວ່ຍວຽກປະທານ ສູນກາງ ອພສ ,ພຣະອາຈານ ປທ.ອະທິປະໄຕ ໄມຕີຈິດ ຫົວໜ້າຫ້ອງການບໍລິຫານງານ ສູນກາງ ອພສ ,ພຣະອາຈານ ສີທົນ ໄຊຍະວົງສອນ ຄະນະບໍລິຫານງານປະຈໍາການ ສູນກາງ ອພສ.
ປັດໃຈດັ່ງກ່າວແມ່ນເພື່ອສົມທົບການກໍ່ສ້າງອາຄານປະທານສົງເຊິ່ງໄດ້ຮັບຈາກ ພຣະອາຈານໃຫຍ່ ມະຫາເຫວດ ມະເສໄນ ແລະ ຄະນະ ທີ່ ເດີນທາງໄປປະຕິບັດສາສະນະກິດ ຕາມການອາຣາທະນານິມົນຂອງສະຖານທູດແຫ່ງ ສປປ ລາວ ປະຈໍາຢູ່ປະເທດ ອົດສະຕາລີ ຄະນະສົງວັດພະຍອດແກ້ວ ແລະ ພໍ່ແມ່ພີ່ນ້ອງເຊື້ອສາຍລາວຢູ່ປະເທດ ອົດສະຕາລີ ແລະ ສະຖານທູດ ແຫ່ງ ສປປ ລາວ ປະຈໍາ ຣາຊະອານາຈັກ ກໍາປູເຈຍ.
ພ້ອມດຽວກັນນີ້ ພຣະອາຈານ ບຸນເສີຍ ເພົາພາສິດ ຄະນະກໍາມະການ ບໍລິຫານງານ ສູນກາງ ອພສ ,ຮອງຫົວໜ້າກໍາມາທິການສາທາຣະນູປະການ ໃນນາມສວ່ນຕົວ ໄດ້ມອບຄອມພີວເຕີ1ຊຸດ ແລະ ເຄື່ອງປິນເອກະສານ ມູນຄ່າ 12ລ້ານ3ແສນ 28ພັນກີບ ໃຫ້ ແກ່ ກັມມາທິການສາທາຣະນູປະການ ສູນກາງ ອພສ ເພື່ອນໍາໄຊ້ວຽກງານຫ້ອງການໃຫ້ມີຄວາມສະດວກສະບາຍໃນການປະສານງານ ກັບພາກສວ່ນຕ່າງ, ພາຍຫລັງ ທີ່ພຣະອາຈານບຸນເສີຍ ເພົາພາສິດໄດ້ຮັບຂອງຂັວນຈາກການເຂົ້າຮວ່ມກອງປະຊຸມພຣະສົງ ປະເທດ ຕ່າງຯ ທີ່ຣາຊອານາຈັກ ກໍາປູເຈຍໃນວັນທີ14ກຸມພາ 2022ຜ່ານມາ.
