ພຣະຍອດຄຳບຸນທະວີ ປະສິດທິສັກ ປະທານ ມູນນິທິສົ່ງເສີມການສຶກສາສົງ ພ້ອມດ້ວຍຄະນະ ແລະ​ ສັດທາສາທຸຊົນຮ່ວມມອບຖວາຍປັດໄຈອຸປະຖັມ ໂຄງການເຝິກອົບຮົມຄຣູວິປັດສະນາ ຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານສູນກາງ ອພສ ຈຳນວນ 83,000.0000 ກີບ ທີ່ ຫ້ອງການເຜີຍແຜ່ສີລະທັມ ແລະ ປະຕິບັດກັມມະຖານສູນກາງ ວັດທາດຫຼວງເຫນືອ ເມືອງໄຊເສດໂາ ນະຄອນຫຼວງວຽງຈັນ

ເມຕຕາຮັບມອບປັດໄຈ ໂດຍ ພຣະຫຼັກແກ້ວ ມະຫາເຫວດ ມະເສໄນ ຮອງປະທານ,​ ອົງຊີ້ນຳລວມວຽກງານກຳມາທິການເຜີຍແຜ່ສີລະທັມ ແລະ ປະຕິບັດກັມມມະຖານ ສູນກາງ ອພສ ທົ່ວປະເທດ,​ ພຣະຍອດຄຳ ສີທົນໄຊຍະວົງສອນ ຫົວຫນ້າກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ ອພສ ພ້ອມດ້ວຍ ຄະນະສົງໃນກຳມາທິການເຜີຍແຜ່ຮ່ວມອະນຸໂມທະນາ

ພຣະຍອດຄຳ ບຸນທະວີ ປະສິດສັກ ກ່າວໃນຕອນຫນຶ່ງວ່າ ມູນນິທິ ທີ່ສ້າງຕັ້ງຂຶ້ນ ເພື່ອສົ່ງເສີມການສຶກສາໃຫ້ແກ່ພຣະສົງສາມະເນນ ແລະ ເຜີຍແຜ່ສີລະທັມ ວັດທະນະທຳ ປະເພນີຂອງຊາດ ເຊິ່ງໃນຕົ້ນປີນີ້ທີ່ຜ່ານມາ ທາງມູນທິສົ່ງ ເສີມການສຶກສາສົງ ໄດ້ຊ່ວຍເຫຼືອກິດຈະກຳເຝິກອົບຮົມພະນັກງານສົງ ທີ່ ວັດທີ່ສະເກດໄປແລ້ວຮອບຫນຶ່ງ ການມອບຖວາຍປັດໄຈໃຫ້ແກ່ໂຄງການນີ້ ເປັນຮອບທີ່ສອງ. ຫຼັງຈາກນັ້ນ ພຣະຫຼັກແກ້ວ ມະຫາເຫວດ ມະເສໄນ ໄດ້ກ່າວອະນຸໂມທະນາ ຂອບໃຈ ຕອນຫນຶ່ງວ່າ ຮູ້ສຶກປຶ້ມໃຈ ດີໃຈ ທີ່ມູນທິນທິການສຶກສົ່ງເສີມການສຶກສາສົງ ໂດຍ ການນຳຂອງພຣະຍອດຄຳບຸນທະວີ ປະສິທິສັກ ໄດ້ນຳປັດໄຈມາມອບຖວາຍ ເພື່ອບູຊາຄຸນຂອງຍາທ່ານໃຫຍ່ ມະຫາປານ ອານັນໂທ,​ ຍາທ່ານໃຫຍ່ຊາລີ ກັນຕະສີໂລ ແລະ ເພື່ອບູຊາຄຣູ ວິປັດສະນາກັມມະຖານ

#ຄຣູເປັນຜູ້ມີບົດບາດສຳຄັນ ເປັນຜູ້ພັດທະນາຄົນ ພັດທະນາສັງຄົມ ພັດທະນາໂລກ ການທີ່ມູນທິນິເອົາປັດໄຈ ມາຖວາຍ ຖືວ່າຖືກຫລັກ ຖືກຍອດບຸນ ມາສົ່ງເສີມ ສ້າງບຸກຄະລາກອນ ມາສ້າງຊັບພະຍາກອນຂອງຊາດ.

ສຸດທ້າຍ ພຣະຍອດຄຳບຸນທະວີ ປະສິດທິສັກ ຍັງໄດ້ກ່າວເຊີນຊວນ ອອກຕົນຍາດໂຍມຜູ້ມີຈິດສັດທາ ຮ່ວມສົມທົບທຶນ ເຂົ້າມູນທິການສຶກສາສົງ ເພື່ອໃຫ້ການສຶກສາສົງມີຄວາມເຂັ້ມແຂງ ແລະ ເພື່ອໃຫ້ທົ່ວເຖິງເຂດຫ່າງໄກ່ຊອກຫລີກ ຊຶ່ງຍັງມີພຣະສົງສາມະເນນ ທີ່ຂາດເຂີນ ທຶນສະຫນັບສະຫນຸນການສຶກສາ ແລະ ສິ່ງອຳນວຍຄວາມສະດວກຫລາຍຢ່າງ.