ສະຕິມາປັນຍາເກີດ ເປັນລາຍການວິທະຍຸທັມມະ ເລີມອອກອາກາດຕັ້ງແຕ່ວັນທີ 22 ເດືອນ 5 ປີ ພ.ສ 2554 ເປັນລາຍການໜຶ່ງທີ່ນອນຢູ່ໃນການຈັດຕັ້ງຂອງວິທະຍຸກະຈາຍສຽງແຫ່ງຊາດລາວ ແລະ ພາຍໃຕ້ການຊີ້ນຳນຳພາ ໂດຍກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ ອພສ ອອກອາກາດທຸກໆເຊົ້າ 6:00 ຫາ 7:00 ທາງຄື້ນວິທະຍຸກະຈາຍສຽງແຫ່ງຊາດລາວ FM 95.00 MHz.

ສະຕິມາປັນຍາເກີດ ເປັນລາຍການທັມມະທີ່ສື່ສານເລື່ອງການນຳໃຊ້ທັມມະເຂົ້າໄປໃຊ້ໃນຊີວິດປະຈຳວັນ ເພື່ອໃຫ້ຮູ້ເທົ່າທັນບັນຫາ ແລະ ສາມາດແກ້ໄຂໄດ້ຢ່າງຖືກຕ້ອງຕາມທັມ ໂດຍເນັ້ນການສອນເອົາຄວາມຖືກຕ້ອງ ບໍ່ເອົາຄວາມຖືກໃຈ ໃຫ້ສາມາດເພີ່ງຕົນເອງ ມີຕົນເປັນແສງສະຫວ່າງ ແລະ ມີທັມເປັນທີ່ເພີ່ງ ມີທັມເປັນແສງສະຫວ່າງຮູບແບບການດໍາເນີນລາຍການ “ ເປັນແບບສົນທະນາຖາມຕອບແລະເປີດໂອກາດໃຫ້ຜູ້ຟັງທາງບ້ານໂທເຂົ້າມາສອບຖາມບັນຫາທັມມະໄດ້ ມີພຣະອາຈານ ແລະ ແມ່ ຂາວ ເປັນຜູ້ດຳເນີນລາຍການ ທັງໝົດ 12 ອົງ ເປັນແມ່ຂາວ 2 ຮູບ.

ໃນໄລຍະ 3 ປີ ທຳອິດ ມີພຣະອາຈານ ມາຮ່ວມອອກລາຍການພຽງ 3 ອົງ ເລີ່ມປີທີ 4 ຮອດປັດຈຸບັນ ມີພຣະອາຈານ12 ອົງ ແລະ ແມ່ ຂາວ 2 ຕົນ. ດັ່ງນີ້ :

1. ພຣະອາຈາຣ ມະຫາອຸດອນ ອະນຸຕຕະໂຣ ວັດວ່າປ່າສຸວັນປະດິດ ບ້ານນາດີ

2. ພຣະອາຈາຣ ທະວີໄຊ ຕິດສະວັງໂສ ວັດປ່າວິໂມກ (ຊຳປັກແຮດ)

3. ພຣະອາຈາຣ ຫຸມເພັງ ພັນທະສາໂຣ ວັດປ່ານາທົ່ມ

4. ພຣະຄຣູ ຄຳໄຜ່ ສິຣິປັນໂຍ ວັດປ່າຕາດທອງ

5. ພຣະອາຈາຣ ແກ້ວພະຈັນ ຍົດປັນຍາ ວັດປ່າດົງໝາກຄາຍ

6. ພຣະອາຈາ ພຸດທະສອນ ລະຄອນຄຳ ວັດວຽງທອງ

7. ພຣະອາຈາຣ ບຸນເລີຍ ປັນຍານັນດະ ວັດປ່າວິໂມກ (ຊຳປັກແຮກ)

8. ພຣະອາຈາຣ ອິນແປງ ວັດພຣະບາດໂພນຄ້ອງ

9. ພຣະອາຈານ ສີສຸກ ສະເຫຼີມຄຸນ ວັດໂພນສະຫວັນ (ສາລາແດງ) ຜູ້ເບິ່ງແຍງລາຍການ

10. ພຣະອາຈາຣ ບຸນເນົາ ວົງແສງສີ ວັດປ່າວິໂມກ (ຊຳປັກແຮດ)

11. ພຣະອາຈາຣ ສົມພວງ ວັດປ່າວິໂມກ (ຊຳປັກແຮດ) ແລະ 1. ແມ່ຂາວນ້ອຍ 2 ແມ່ຂາວບຸນມາ.

ຈຸດປະສົງຂອງລາຍການ “ເພື່ອຂັບເຄື່ອນພຣະພຸທທະສາສະນາເໝືອນກົງລໍ້ແຫ່ງທັມມະຈັກ ສ້າງພະລັງແຫ່ງຄວາມເມດຕາໃຫ້ເກີດຂຶ້ນແກ່ມວນມະນຸສສະຍະຊາດ ສາມາດດຳລົງຊີວິຕຢູ່ໃນໂລກໄດ້ຢ່າງຮູ້ເທົ່າທັນທຸກບັນຫາ ຢູ່ຮ່ວມກັນຢ່າງມີສັນຕິສຸຂ.

ຄໍາຂວັນລາຍການ “ຖ້າທ່ານທຸກເພາະໂສກເສົ້າ ເຫງົາເພາະວຸ້ນວາຍ ຖ້າຢາກຫາຍຫັນມາຟັງລາຍການສະຕິມາປັນຍາເກີດ”

ວິໄສທັດລາຍການ “ສອນໃຫ້ເບີ່ງໂລກແບບພາຍໃນຕາມພຣະສາສະດາ ເພື່ອໃຫ້ພັດທະນາ ກາຍ ວາຈາ ໃຈ ໂດຍໃຊ້ ຫລັກໄຕຣສິກຂາ ໃນເບື້ອງຕົ້ນ ເພື່ອໃຫ້ທຸກຄົນຮູ້ເທົ່າທັນປັຈຈຸບັນ”