ໃນຕອນບ່າຍຂອງວັນທີ 03 ກັນຍາ ຜ່ານມານີ້ ທີ່ວັດສີສະເກດ ເມືອງຈັດທະບຸລີ ນະຄອນຫຼວງວຽງຈັນ ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ (ກຜປຖ) ສູນກາງອົງການພຸດທະສາສະໜາສຳພັນລາວ (ອພສ). ໄດ້ຈັດກອງປະຊຸມປຶກສາຫາລືຄວາມເປັນໄປໄດ້ຂອງການຈັດບຸນຜ້າປ່າສາມັກຄີເພື່ອສ້າງກອງທຶນສົ່ງເສີມສິລະທັມ ແລະ ປະຕິບັດກັມມະຖານ ເພື່້ອຊຸກຍູ້ວຽກກງານຂອງກັມມາທິການເຜີຍແຜ່ສີລະທັມ ແລະ ປະຕິບັດກັມະຖານສູນກາງ ສົ່ງເສີມສີລະທັມ ພັດທະນາຈິດໃຈ ເປັນຜູ້ໃຫ້ເພື່ອສັງຄົມ.
ໂດຍໄດ້ຮັບຄວາມເມດຕາເປັນປະທານຂອງ ພຣະຫຼັກແກ້ວ ມະຫາເຫວດ ມະເສໄນ ຮອງປະທານອົງການພຸດທະສາສະໜາສັມພັນລາວ,ອົງຊີ້ນຳວຽກງານ ກຜປຖ ຂອງ ອພສ. ພ້ອມດ້ວຍ ພຣະອຍດຄຳ ຫຼັກຄຳ ພຣະຫຼັກຄຳ ຄະນະບໍໍລິຫານງານປະຈຳການ ພ້ອມດ້ວຍພຣະເຖຣານຸເຖຣະ ເຈົ້າຄະນະເມືອງ 4 ຕົວເມືອງ ຄື ເມືອງຈັດທະບຸລີ,ໄຊເສດຖາ,ສີສະຕະນາກ ແລະ ເມືອງສີໂຄດຕະບອງ.
ຜູ້ເຂົ້າຮ່ວມກອງປະຊຸມໃນຄັ້ງນີ້ ແມ່ນໄດ້ປະຕິບັດຕາມມາດຕະການ ປ້ອງການໂຄວິດ-19 ຮັກສາໄລະຍຫ່າງ ໃສ່ຜ້າອັດປາກອັດດັງ ແລະ ລ້າງມື້ດ້ວຍເຈວ.
ພຣະຫຼັກແກ້ວມະຫາເຫວດມະເສໄນ ໄດ້ກ່າວວ່າ ໃນທາມກາງການແຜ່ລະບາດຂອງພະຍາດໂຄວິດ-19 ທີ່ຍັງແຜ່ລະບາດໃນປະເທດເຮົາ ແຕ່ໃນຂະນະດ່ຽວກັນ ວຽກກງານຂອງພຣະພຸດທະສາສະໜາກໍ່ຄື ວຽກກງານຂອງກັມມາທິການເຜຍແຜ່ສີລະທັມ ແລະ ປະຕິບັດກັມມະຖານຈະຫຍຸດຊະງັກກໍ່ເປັນໄປບໍໍ່ໄດ້ ຈຶ່ງໄດ້ເປີດການປະຊຸມປຶກສາຫາລື ຄວາມເປັນໄປໄດ້ໃນການຈັດງານບຸນຜ້າປ່າສາມັກຄີ ແລະ ຖອດຖວາຍໃນ ວັນທີ່ 2 ຕຸລາ 2021 ທີ່ວັດສະເກດ ເຊີ່ງຈະໄດ້ເຮັດ 2 ວິທີຄື ເຮັດແບບປະເພນີຖວາຍປັດໄຈ ໂດຍ ການປະຕິບັດຕາມມາດຕະການປ້ອງກັນ ໂຄວິດ -19 ແລະ ໂມທະນາທາານຜ່ານລະບົບອອນລາຍ ຜ່ານ ເຟສບຸກເພຈ ແລະ ໂຄງາການ One Heart ຜ່ານ ທະນາຄານການຄ້າຕ່າງປະເທດລາວ ເພື່ອລະດົມທຶນປັດໄຈຈາກເຈົ້າສັດທາ ມາປະກອບສ່ວນໃນການເຄືອນໄຫວວຽກງານຈຸດສຸມຂອງກັມມາທິການເຜີຍແຜ່ ເຊັ່ນ ສົ່ງເສີມວຽກງານແປພຣະໄຕປິດົກ ການປະຕິບັດກັມມະຖານ ວຽກກງານສື່ ແລະ ການຊ່ວຍເຫຼື່ອສັງຄົມ.
ຂະນະດຽວກັນ ທ່ານ ແກ້ວປະເສີດ ໄຊປັນຍາ ຮອງເຈົ້າເມືອງຈັນທະບູລີກໍໄດ້ກ່າວສະແດງຄວາມເຫັນດີຕໍ່ກອງປະຊຸມ ແລະ ປະກອບຄຳຄິດເຫັນຕໍ່ກອງປະຊຸມວ່າ ຕໍ່ການສືບທອດຕາມຮີດຄອງປະເພນີທີ່ເຄີຍເຮັດມາ ແລະ ກຳນົດຊ່ອງທາງການເຜີຍແຜ່ປຸກລະດົມຂົນຂວາຍໃນການສ້າງບຸນຜ້າປ່າແບບໃໝ່ເຫັນວ່າຖືກຕ້ອງສອດຄ່ອງກັບສະພາບການບ້ານເມືອງທີ່ກຳລັງເປັນຢູ່ໃນປັດຈຸບັນ ອີກອັນໜຶ່ງກໍແມ່ນອີງໃສ່ຄຳສັ່ງເລກທີ 15/ນຍ ແລະ ສືບຕໍ່ມາດຕະການຜ່ອນຜັນເລກທີ 015 ລົງວັນທີ 01 ກັນຍາ 2021 ທີ່ຕິດພັນກັບບາງຂໍ້ຫ້າມໃນການຈັດງານບຸນປະເພນີຕ່າງໆ ແຕ່ກໍຍັງມີກໍລະນີຫຼຸດຜ່ອນສຳລັບແຂວງ ເມືອງ ແລະ ບ້ານ ທີ່ບໍ່ມີການແຜ່ລະບາດສາມາດຈັດງານບຸນປະເພນີໄດ້ແຕ່ຕ້ອງປະຕິບັດຕາມມາດຕະການປ້ອງກັນໂຄວິດ-19.
ພ້ອມນັ້ນ ທ່ານຮອງເຈົ້າເມືອງຍັງໄດ້ສະແດງຄວາມເປັນຫ່ວງເປັນໃຍຕໍ່ການເຄື່ອນໄຫວວຽກງານຂອງຄະນະສົງ ແລະ ໃຫ້ທິດທາງໃນການຈັດຕັ້ງປະຕິບັດຕາມຂັ້ນຕອນຢ່າງລະອຽດຖີ່ຖ້ວນເພື່ອເປັນການຕັດວົງຈອນຂອງການແຜ່ລະບາດລະຂອງເຊື້ອພະຍາດໂຄສິດ-19. ພ້ອມດຽວກັນນັ້ນ, ເຈົ້າຄະນະ ອພສ. 4 ຕົວເມືອງ ກໍຄື ເມືອງຈັນທະບູລີ, ເມືອງໄຊເສດ, ເມືອງສີສັດຕະນາກ ແລະ ເມືອງສີໂຄດ ພ້ອມດ້ວຍປະທານແນວລາວສ້າງຊາດ 4 ຕົວ ກໍໄດ້ກ່າວສະແດງຄວາມເຫັນດີຕໍ່ການປຶກສາຫາລືຂອງກອງປະຊຸມ ແລະ ທິດທາງການແນະນຳໃນການຈັດຕັ້ງປະຕິບັດໃນຄັ້ງນີ້ດ້ວຍ.
