ເນື່ອງໃນໂອກາດ ອັນເປັນມຸງຄຸນ ກ່ອນເທດສະການບຸນເຂົ້າພັນສາຂອງຄະນະສົງລາວ ກໍ່ຄື ອົງການພຸດທະສາສະໜາສຳພັນລາວ.ພຣະຍອດຄຳວໍຣະທັມມຸນີ (ດຣ. ພວງປະເສີດ ພູມະວົງ) ຄະນະບໍລິຫານປະຈຳການສູນກາງ ອພສ. ຜູ້ໄດ້ຮັບມອບໝາຍຕໍ່ການພັດທະນາພື້ນທີ່ທໍໍລະນີສົງ ຈາກ ອພສ ແລະ ນ້ອມຖວາຍຈາກຄະນະເຈົ້າສັດທາ ຄອບຄົວ ທ່ານ ຄຳພອນ ພົນເສນາ ແລະ ແມ່ ມະໂນລາ ມາລາວົງ.
ເນື່ອງຈາກວ່າທີ່ທໍລະນີສົງໃນສ່ວນນີ້ ໄດ້ມີການຕົກລົງເຫັນຊອບຈາກຄະນະກຳມະການຮັບຜິດຊອບຈາກອົງການພຸດທະສາສະໜາສຳພັນລາວ ໄດ້ໃສ່ຊື່ວ່າ ວັດປ່າມະຫາໂພທິຣຸກຂາທັມມະຣາມ ຈຶ່ງເປັນເຫດຜົນໜື່ງ ຈື່ງໄັດ້ຕົກລົງເຫັນດີ ມີແຜນການຈະປູກຕົ້ນສີມະຫາໂພ.
ແລະ ໃນໂອກາດທີ່ຈະມາເຖີງນີ້ ເຫັນວ່າເປັນເລິກງາມຍາມດີ ທີ່ຄະນະສົງ ແລະ ເຈົ້າພາບ ຈະໄດ້ພ້ອມພຽງກັນ ຈັດພິທີປູກຕົ້ນສີມະຫາໂພ ຈຳນວນ 108 ຕົ້ນ ທີ່ໄດ້ນຳເມັດຈາກພຸດທະຄະຍາ ພຸດທະສະຖານ ບ່ອນທີ່ພຣະພຸດທະເຈົ້າຕັດສະຮູ້ອະນຸດຕະຣະສັມມາໂພທິຍານຂອງອົງສົມເດັດພຣະພຸດທະເຈົ້າ.
ກຳໜົດການ ວັນອາທິດ ທີ 18/07/2021 ເວລາ 13 :00 ລົດແຮ່ຕົ້ນພຣະສີມະຫາໂພທິ ພ້ອມຄະນະສົງວັດອົງຕື້ ວໍຣະມະຫາວິຫານ ພໍ່ອອກແມ່ອອກ ຜ່ານມາປະຕູໄຊ ອອກເດີນທາງໄປສາຍດອນໜູນ ເຂົ້າແຍກເວີນຄຳ ແລະ ລ້ຽວເຂົ້າຂ້າງວັດເວີນຄຳໄປຕາມປ້າຍສວນຄຳພວງເພັດ ຈົນຜ່ານໂຮງງານເກືອສາມສະອາດ ກໍແມ່ນວັດປ່າມະຫາໂພທິຣຸກຂະທັມມາຣາມ.
ເພື່ອເປັນປະການບອກບຸນເຖີງເຈົ້າພາບ ເຈົ້າສັດທາວ່າ ມີຄວາມແນ່ນອນ ທາງຄະນະສົງຍັງໄດ້ເຮັດຫນັງສື ຂໍອະນຸຍາດ ຄະນະສະເພາະກິດຕ້ານພະຍາດໂຄວິດ-19 ແລະ ກໍ່ໄດ້ເຫັນດີ ແຕ່ກໍ່ມີເງື່ອນໄງວ່າ ໃຫ້ບຸກຄົນ, ພຣະສົງ, ອອກຕົນຍາດໂຍມ ຜູ້ທີ່ຈະໄປຮ່ວມ ຈະຕ້ອງໄດ້ຮັບສັກວັກຊີນ 2 ເຂັມ ໃສ່ຜ້າປິດປາກ ໃສ່ເຈວລ້າງມືກ່ອນຮ່ວມພິທີ.
ດັ່ງນັ້ນ,ຈື່ງຂໍຈະເລີນພອນເຊີນຜູ້ມີຈິດສັດທາ ອອກຕົນຍາດໂຍມ ມາຮ່ວມສ້າງປະຫວັດສາດນຳກັນ ສ້າງພຸດທະສະຖານ ໃນເວລ13:00 ເປັນຕົ້ນໄປ ເຖີງ 16:00 ທີ່ວັດປ່າມະຫາໂພທິຣຸກຂະທັມມະຣາມ ບ້ານນາຊັບ ເມືອງນາຊາຍທອງ ຕິດກັບ ໂຮງງານຜະລິດເກືອ ບ້ານ ສາມສະອາດ ທາງເວີນຄຳ ເມືອງໄຊທານີ ນະຄອນຫຼວງວຽງຈັນ.
ຕິດຕໍ່ສອບຖາມ ໂທ: 02055454669 , 55511393 57513517 , 030 5312869
