ພາກທີI
ການຈັດຕັ້ງ ແລະ ການເຄື່ອນໄຫວ
ຂອງ ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ
- ອີງຕາມທັມມະນູນສົງລາວສະບັບພຣະພຸດທະສັງກາດ2561 ມາດຕາ 29 ວ່າດ້ວຍພາລະບົດບາດສິດ ແລະ ໜ້າທີ່ຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານສູນກາງ ອົງການພຸດທະສາສະໜາສັມພັນ ແຫ່ງ ສປປ ລາວ
- ອີງຕາມດຳລັດຂອງນາຍົກລັດຖະມົນຕີ ເລກກທີ 37/ນຍ ລົງວັນທີ 15 ທັນວາ 217 ວ່າດ້ວຍການຮັບຮອງ ແລະ ປະກາດໃຊ້ທັມມະນູນສົງລາວ(ສະບັບປັບປຸງ)
- ທີ່ຕັ້ງຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ
ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ ຂຽນເປັນຕົວອັກສອນຫຍໍ້ “ ກຜປຖ” ແມ່ນກັມມາທິການໜຶ່ງໃນສູນສູນກາງອົງການພຸດທະສາສະໜາສັມພັນ ແຫ່ງ ສປປ ສູນກາງ ມີສຳນັກງານ ຕັ້ງຢູ່ມະຫາກະດີວັດພຣະທາດຫຼວງເໜືອ ເມືອງ ໄຊເສດຖາ ນະຄອນຫຼວງວຽງຈັນ
- ພາລະບົດບາດຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ
- ກຳນົດລະບຽບການ, ຫຼັກການໃນການເຜີຍແຜ່ສີລະທັມ, ການປະຕິບັດກັມມະຖານ ແລະ ການປະກອບສ່ວນເຂົ້າໃນການຊ່ວຍເຫຼືອສັງຄົມ.
- ພົວພັນ ແລະ ຮ່ວມມືກັບອົງກອນຈັດຕັ້ງຝ່າຍປົກຄອງບ້ານ, ເມືອງ, ແຂວງທີ່ກ່ຽວຂ້ອງ ເພື່ອປຶກສາຫາລື ແລະ ຈັດຕັ້ງປະຕິບັດໃນການເຜີຍແຜ່ ແລະ ປົກປ້ອງສີລະທັມທາງພຸດທະສາສະໜາ.
- ມີພາລະບົດບາດໃນການພົວພັນ ແລະ ຮ່ວມມືກັບສາກົນ ກ່ຽວກັບການເຜີຍແຜ່ ສີລະທັມທາງພຸດທະສາສະໜາ ລວມທັງການການສ້າງຄູ່ມືແນະນໍາ, ຄູ່ມືຝຶກອົບຮົມ, ມາດຕະຖານສູນປະຕິບັດທັມ; ສ້າງວິທະ ຍາກອນ ແລະ ວິປັດສະນາຈານ ເພື່ອປະກອບໃຫ້ອົງການພຸດທະສາສະໜາ ຂັ້ນແຂວງ ແລະ ຂັ້ນເມືອງ; ຮັບຜິດຊອບຈັດຕັ້ງຝຶກອົບຮົມ, ເຜີຍແຜ່ສີລາທັມ ແລະ ປະຕິບັດວິປັດສະນາກັມມະຖານ ໃຫ້ແກ່ພຣະສົງ-ສາມະເນນ, ຊາວໜຸ່ມ-ເຍົາວະຊົນ; ຄົ້ນຄ້ວາ ຈັດສົ່ງວິທະຍາກອນ ແລະ ວິປັດ ສະນາຈານ ໄປສຶກສາຮໍ່າຮຽນຕໍ່ຢູ່ຕ່າງປະເທດ ຕາມການຕົກລົງຂອງຄະນະບໍລິຫານງານປະຈໍາການ; ຄົ້ນຄ້ວາ ແລະ ພິຈາ ລະນາ ກ່ຽວກັບການອະນຸຍາດສ້າງຕັ້ງສູນປະຕິບັດທັມ ລວມທັງການຕິດຕາມກວດກາ.
- ສິດ ແລະ ໜ້າທີ່ ຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ
- ຮັບຜິດຊອບບໍລິຫານງານລວມ ໃນທຸກວຽກງານຂອງກັມມາທິການ.
- ສ້ງງຂໍ້ກຳນົດ,ກົດລະບຽບ, ມະຕິ, ຂໍ້ຕົກລົງ ແລະ ຄຳສັ່ງອື່ນໆ ກ່ຽວກັບການເຜີຍແຜ່ສີລະທັມ,ຝຶກອົບຮົມພຣະທັມມະກະຖິກາຈານ ໃຫ້ເປັນຜູ້ຊຳນານໃນການເຜີຍແຜ່ທັມໃນຫຼາຍຮູບການ ແລະ ປະຕິບັດກັມມະຖານໃຫ້ກວ້າງຂວາງທົ່ວປະເທດ ແລ້ວນຳສະເໜີປະທານສູນກາງອົງການພຸດທະສາສະໜາສັມພັນແຫ່ງ ສປປ ລາວ, ເຈົ້າຄະນະແຂວງ, ນະຄອນຫຼວງ, ເມືອງ, ເທດສະບານ, ນະຄອນ ບົນພື້ນຖານການຕົກລົງເຫັນດີຂອງຄະນະບໍລິຫານງານປະຈຳ ການ.
- ສ້າງວິທະຍາກອນ ແລະ ວິປັດສະນາຈານ ໂດຍຮັບປະກັນໃຫ້ໄດ້ທັງປະຣິມານ ແລະ ຄຸນນະພາບ ເພື່ອປະກອບໃຫ້ແຕ່ລະແຂວງ, ນະຄອນຫຼວງ, ເມືອງ, ເທດສະບານ, ນະຄອນ ຢ່າງໜ້ອຍໃຫ້ໄດ້ສອງຫາສາມອົງ.
- ນຳໃຊ້ ວິທະຍາກອນ ແລະ ວິປັດສະນາຈານ ທີ່ມີປະສົບການສູງ ທັງຝ່າຍສົງ ແລະ ຝ່າຍຄະຣືຫັດ ຢ່າງເໝາະສົມ ຕາມທິດຊີ້ນຳ ຂອງປະທານສູນກາງອົງການພຸດທະສາສະໜາສັມພັນແຫ່ງ ສປປ ລາວ,ເຈົ້າຄະນະ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ;
- ຮັບຜິດຊອບຈັດຕັ້ງໜ່ວຍງານສຶກສາ, ອົບຮົມ, ເຜີຍແຜ່ສີລະທັມ ແລະ ປະຕິບັດກັມມະຖານ ໃຫ້ແກ່ພຣະສົງ-ສາມະເນນ, ເຍົາວະຊົນ ແລະ ອະນຸຊົນ ລວມທັງຜູ້ທີ່ກຳລັງຖືກຄຸມຂັງ ແລະ ດັດສ້າງ, ພຸດທະສາສະນິກກະຊົນ ແລະ ປະຊາຊົນບັນດາເຜົ່າ;
- ຄົ້ນຄວ້າ,ຈັດສົ່ງວິທະຍາກອນ ແລະ ວິປັດສະນາຈານ ໄປທັດສະນະສຶກສາ, ຮຽນຕໍ່ແລະ ເຜີຍແຜ່ພຣະພຸດທະສາສະໜາ ໃນຕ່າງປະເທດຕາມການຕົກລົງເຫັນເຫັນດີຂອງຄະນະ ບໍລິຫານງານປະຈຳການ;
- ຄົ້ນຄວ້າ, ສ້າງຕັ້ງ ແລະ ຕິດຕາມກວດກາສູນປະຕິບັດທັມໃນວັດ, ທໍຣະນີສົງຢູ່ແຂວງ, ນະຄອນຫຼວງ, ເມືອງ, ເທດສະບານ, ນະຄອນ ແລະ ຢູ່ຕ່າງປະເທດຕາມຄວາມເໝາະສົມ.
- ຂອບເຂດສິດ
- ສະເໜີປັບປຸງ, ແກ້ໄຂ ຫຼື ຍົກເລີກບັນດາຍຸດທະສາດ, ແຜນການ 5 ປີ, ນິຕິກໍາຕ່າງໆ ທີ່ຕິດພັນກັບວຽກງານຂອງກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ;
- ສະເໜີ ຫຼື ຕົກລົງສ້າງຕັ້ງ, ປັບປຸງ ຫຼື ລົບລ້າງກົງຈັກການຈັດຕັ້ງ ທີ່ຢູ່ພາຍໃຕ້ຄວາມຮັບຜິດຊອບຂອງກັມ ມາທິການເຜີຍແຜ່ສີລະທັມ ແລະ ວິປັດສະນາກັມມະຖານ;
- ອອກຂໍ້ຕົກລົງ, ແຈ້ງການ, ຄໍາສັ່ງ, ຄໍາແນະນໍາ ເພື່ອຄຸ້ມຄອງວຽກງານຂອງກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານ;
- ຍ້ອງຍໍ ແລະ ປະຕິບັດນະໂຍບາຍ, ກ່າວເຕື່ອນ ຫຼື ນໍາໃຊ້ມາດຕະການອື່ນໆ ຕາມທໍາມະນູນສົງລາວ ຕໍ່ ພຮະສົງ-ສາມະເນນ, ພໍ່ຂາວ-ແມ່ຂາວ ທີ່ລະເມີດທໍາມະນູນສົງລາວ ທີ່ຢູ່ພາຍໃຕ້ຄວາມຮັບຜິດຊອບຂອງຕົນ;
- ຕົກລົງແຕ່ງຕັ້ງ, ຍົກຍ້າຍ ຫຼື ປົດຕໍາແໜ່ງ ພຣະສົງ ທີ່ຢູ່ພາຍໃຕ້ຄວາມຮັບຜິດຊອບຂອງຕົນ;
- ນໍາພາ-ຊີ້ນໍາ ແລະ ຄຸ້ມຄອງມະຫາພາກຕາມສາຍຕັ້ງ ໂດຍມີການແບ່ງຂັ້ນ, ແບ່ງຄວາມຮັບຜິດຊອບ ແລະ ແບ່ງສິດຕົກລົງຂອງກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານ ຂັ້ນຕ່າງໆ;
- ຮຽກໂຮມພຣະສົງ-ສາມະເນນ ທີ່ເຮັດວຽກນໍາກັມມາທິການເຜີຍແຜ່ສີລະທັມ ແລະ ວິປັດສະນາກັມມະ ຖານ ຂັ້ນຕ່າງໆເພຶ່ອຈັດກອງປະຊຸມປຶກສາຫາລື ຫຼື ລາຍງານສ່ອງແສງ;
- ຄົ້ນຄ້ວາ ແລະ ຕົກລົງໃນການສ້າງຕັ້ງ ຫຼື ຍຸບເລີກສູນປະຕິບັດທໍາ;
- ສະເໜີແຜນງົບປະມານ, ການດັດແກ້ງົບປະມານຂອງກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ;
- ສະເໜີສ້າງຕັ້ງ ຫຼື ຍຸບເລິກກອງທຶນຂອງກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ;
- ອະນຸມັດແຜນໃຫ້ບັນດາຄະນະກັມມະການເພື່ອຈັດຝຶກອົບຮົມ,ສໍາມະນາຕາມເງື່ອນໄຂ
ເໝາະສົມ;
- ນໍາໃຊ້ສິດອື່ນໆ ຕາມທັມມະນູນສົງລາວ ແລະ ທີ່ກໍານົດໄວ້ໃນລັດຖະທໍາມະນູນ ແລະ ກົດໝາຍ.
- ໂຄງປະກອບການຈັດຕັ້ງຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ
- ໂຄງຮ່າງການຈັດຕັ້ງບຸກຄະລາກອນ: ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງປະກອບດ້ວຍບຸກຄະລາກອນດັ່ງນີ້:
- ອົງຊີ້ນຳ 1 ອົງ
- ຫົວໜ້າກັມມາທິການ 1 ອົງ
- ຮອງຫົວໜ້າກັມມາທິການ 2 ອົງ
- ຄະນະກັມມາທິການຈຳນວນໜຶ່ງ
- ຫົວໜ້າຄະນະກັມມະການຮັບຜິດຊອບໜ້າວຽກຈຳນວນໜຶ່ງ
- ທີ່ປຶກກສາ ຈຳນວນໜຶ່ງ
- ໂຄງປະກອບການຈັດຕັ້ງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ
- ຄະນະກັມມະການຫ້ອງການ
- ຄະນະກັມມະການ ກອງທຶນ
- ຄະນະກັມມະການ ຄູ່ມືຫຼັກສູດ
- ຄະນະກັມມະການກັມມະຖານ
- ຄະນະກັມມະການທັມມະສັນຈອນ
- ຄະນະກັມມະການ ເຝິກອົບຮົມ
- ຄະນະກັມມະການ ສື່ປະຊາສັມພັນ
- ໂຄງການ
ພາກທີII :
ພາລະບົດບາດ,ສິດ ,ໜ້າທີ່ ຂອງບຸກຄະລາກອນ ແລະຄະນະກັມມະການຕ່າງໆ
- ອົງຊີ້ນໍາ ກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ
ພຣະອາຈານໃຫຍ່ ມະຫາ ເຫວດ ມະເສໄນ
- ມີພາລະບົດບາດສິດແລະໜ້າທີ່ຊີ້ນຳລວມວຽກງານເຜີຍແຜ່ສີລະທັມ ແລະ ປະ ຕິ ບັດກັມມະຖານ ທັງເປັນທີ່ປຶກສາ ໃຫ້ຫົວໜ້າກຳມາທິການ ໃນ ເລື່ອງ ແຜນ ຍຸດ ທະ ສາດ ແລະ ການ ຂັບ ເຄື່ອນ ວຽກ ງານ ລວມທັງ ເປັນປະທານກອງປະຊຸມວຽກງານກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ.
- ຫົວໜ້າກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ
ພຣະອາຈານ ສີທົນ ໄຊຍະວົງສອນ
- ມີສິດ ແລະ ຫນ້າທີ່ :
- ຮັບຜິດຊອບວຽກງານຮອບດ້ານຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານສູນກາງ; ໃນນີ້ ລົງເລິກນໍາພາ-ຊີ້ນໍາ ຄະນະກັມມະການຝຶກອົບຮົມ ແລະ ຄະນະກັມມະການສື່ປະຊາສຳພັນ;
- ນໍາພາ-ຊີ້ນໍາ, ຊຸກຍູ້,ສົ່ງເສີມ ແລະ ຕິດຕາມກວດກາການຈັດຕັ້ງປະຕິບັດຍຸດທະສາດ ຮອດປີ 2030 ແລະ ແຜນການ 5 ປີ (2021-2026) ຂອງກັມມາທິການ ໂດຍມີການແບ່ງຄວາມຮັບຜິດຊອບຢ່າງຈະແຈ້ງໃຫ້ຮອງຫົວໜ້າກັມມາ ທິການ ແລະ ບັນດາຄະນະກັມມະການ;
- ຕັດສິນໃຈແຜນການໄລຍະຍາວທີ່ກ່ຽວກັບທິດທາງໂດຍລວມຂອງກັມມາທິການ ກຳນົດນະໂຍບາຍ ແລະ ແນະນຳການປະຕິບັດວຽກງາຍໃນແຕ່ລະດ້ານທີໄດ້ກຳນົດໄວ້
- ຮຽກໂຮມແລະ ເປັນປະທານກອງປະຊຸມກັມມາທິການ ແລະ ກອງປະຊຸມຄົບຄະນະຂອງກັມມາທິການ;
- ອອກຂໍ້ຕົກລົງ, ຄໍາແນະນໍາ, ແຈ້ງການ ແລະ ເຊັນເອກະສານຕ່າງໆ ກ່ຽວກັບວຽກງານຂອງກັມມາທິການ;
- ມອບສິດໃຫ້ຮອງຫົວໜ້າກັມມາທິການອົງໃດໜຶ່ງປະຈໍາການແທນ ໃນກໍລະນີທີ່ບໍ່ສາມາດມາປະຈໍາການ;
- ຄົ້ນຄວ້າ ກ່ຽວກັບການແຕ່ງຕັ້ງ, ປົດຕໍາແຫນ່ງ, ສັບຊ້ອນ, ຍົກຍ້າຍ, ຍ້ອງຍໍ ຫຼື ປະຕິບັດວິໄນ ພຣະສົງ-ສາມະເນນ, ພໍ່ຂາວ-ແມ່ຂາວ ຢູ່ໃນຄວາມຮັບຜິດຊອບຂອງຕົນ ເພື່ອສະເຫນີຕໍ່ຄະນະປະຈໍາສູນກາງອົງການພຸດທະສາສະໜາສັມພັນ ແຫ່ງ ສປປ ລາວ;
- ແຕ່ງຕັ້ງພຣະສົງ-ສາມະເນນທີ່ຢູ່ໃນຄວາມຮັບຜິດຊອບຂອງຕົນ ເຂົ້າຮ່ວມກອງປະຊຸມ, ໄປຍົກລະດັບຝຶກອົບຮົມໄລຍະສັ້ນ, ໄລຍະກາງ ແລະ ໄລຍະຍາວ ຫຼື ຮັບຜິດຊອບວຽກງານໃດຫນຶ່ງ ຢູ່ພາຍໃນ ແລະ ຕ່າງປະເທດ;
- ນໍາໃຊ້ສິດ ແລະ ປະຕິບັດຫນ້າທີ່ອື່ນ ຕາມການມອບຫມາຍ ຂອງຄະນະປະຈໍາສູນກາງອົງການພຸດທະສາສະໜາສັມພັນ ແຫ່ງ ສປປ ລາວ.
- ຮອງຫົວໜ້າກັມມາທິການເຜີຍແຜ່ສີລະທັມ ແລະ ວິປັດ ສະນາກັມມະຖານສູນກາງ ຝ່າຍບໍລິຫານ
ພຣະອາຈານ ບຸນທະວີ ສີບຸນເຮືອງ
- ມີສິດ ແລະໜ້າທີ່ :
- ຊ່ວຍວຽກຫົວໜ້າກັມມາທິການ ແລະ ຮັບຜິດຊອບລົງເລິກນໍາພາ-ຊີ້ນໍາ ຄະນະກັມມະການກອງທຶນ, ຄະນະກັມມະການຫ້ອງການ ແລະ ຄະນະກັມມະການຫ້ອງການ;
- ຄົ້ນຄວ້າ, ວາງແຜນການດຳເນີນງານ, ຂຶ້ນແຜນ ແລະ ນຳໃຊ້ງົບປະມານ;
- ຄົ້ນຄວ້າ ແລະ ສ້າງ ເອກະສານກ່ຽວກັບ ວຽກງານຄຸ້ມຄອງບໍລິຫານ, ຈັດກອງປະຊຸມ ປະຈຳ ເດືອນ, ສາມເດືອນ, ຫົກເດືອນ ແລະ ໜຶ່ງ ປີ;
- ດຳເນີນວຽກງານຕາມນະໂຍບາຍ ແລະ ແຜນການທີ່ໄດ້ກຳນົດໄວ້ ປະສານງານລະຫວ່າງຫົວນ້າກັມມາທິການ ເພື່ອກຳນົດໜ້າວຽກໃຫ້ແກ່ຫົວໜ້າຄະນະກັມມະການໄດ້ນຳເອົາແຜນການໄປປະຕິບັດ
- ຊີ້ນຳໆພາ ວຽກງານການພົວພັນ ລະຫວ່າງ ກັມມາທິການ ກັບ ກັມມາທິການ, ກະ ຊວງ, ອົງການທຽບເທົ່າກະຊວງ, ອົງການປົກຄອງທ້ອງຖິ່ນ, ການຈັດຕັ້ງ ແລະ ພາກ ສ່ວນທີ່ກ່ຽວຂ້ອງ ໂດຍ ຜ່ານຫ້ອງການບໍລິຫານງານ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ;
- ສະຫຼຸບ, ສັງລວມ ແລະ ລາຍງານ ການປະຕິບັດວຽກງານ ຂອງຕົນ ຕໍ່ ຄະນະ ກັມມາທິການ ຢ່າງເປັນປົກກະຕິ;
- ຄົ້ນຄ້ວາ, ກວດກາເອກະສານສໍາຄັນຕ່າງໆ ທີ່ຢູ່ໃນຄວາມຮັບຜິດຊອບຂອງຕົນ ກ່ອນຈະນໍາສະເຫນີຕໍ່ຫົວໜ້າກັມ ມາທິການ;
- ເຂົ້າຮ່ວມກອງປະຊຸມກັມມາທິການ ແລະ ກອງປະຊຸມຄົບຄະນະຂອງກັມມາທິການ;
- ສະເຫນີຕໍ່ຫົວໜ້າກັມມາທິການ ກ່ຽວກັບການແຕ່ງຕັ້ງ, ປົດຕໍາແຫນ່ງ, ສັບຊ້ອນ, ຍົກຍ້າຍ, ຍ້ອງຍໍ ຫຼື ປະຕິບັດວິໄນຕໍ່ພຣະສົງ-ສາມະເນນ ທີ່ຢູ່ພາຍໃຕ້ຄວາມຮັບຜິດຊອບຂອງຕົນ;
- ສະເຫນີຕໍ່ຫົວໜ້າກັມມາທິການແຕ່ງຕັ້ງ, ສັບຊ້ອນ ພະນັກງານທີ່ຢູ່ໃນຄວາມຮັບຜິດຊອບຂອງຕົນ ເພື່ອເຂົ້າຮ່ວມກອງປະຊຸມ, ໄປຍົກລະດັບ, ເຂົ້າຮ່ວມຝຶກອົບຮົມໄລຍະສັ້ນ-ໄລຍະຍາວ ຫຼື ວຽກງານໃດໜຶ່ງ ຢູ່ພາຍໃນ ແລະ ຕ່າງປະເທດ;
- ລົງລາຍເຊັນໃສ່ເອກະສານຕ່າງໆແລະປະຕິບັດຫນ້າທີ່ແທນຫົວໜ້າກັມມາທິການ ໃນກໍລະນີທີ່ໄດ້ຮັບສິດ;
- ປະຕິບັດຫນ້າທີ່ແທນຫົວໜ້າກັມມາທິການໃນກໍລະນີ ທີ່ໄດ້ຮັບມອບສິດໃຫ້ປະຈໍາການ ຫຼື ເປັນປະທານກອງປະຊຸມໃດໜຶ່ງ ຕາມການມອບໝາຍ;
- ນໍາໃຊ້ສິດ ແລະ ປະຕິບັດຫນ້າທີ່ອື່ນ ຕາມການມອບຫມາຍຂອງຫົວໜ້າກັມມາທິການ ຫຼື ຄະນະປະຈໍາສູນກາງອົງການພຸດທະສາສະໜາສັມພັນ ແຫ່ງ ສປປ ລາວ.
- ຮອງຫົວໜ້າກັມມາທິການເຜີຍແຜ່ສີລະທັມ ແລະ ວິປັດ ສະນາກັມມະຖານສູນກາງ ຝ່າຍວິຊາການ
ພຣະອາຈານ ພຸດທະສອນ ລະຄອນຄຳ
- ມີສິດ ແລະ ໜ້າາທີ່
- ຊ່ວຍວຽກຫົວໜ້າກັມມາທິການ ແລະ ຮັບຜິດຊອບລົງເລິກນໍາພາ-ຊີ້ນໍາ ຄະນະກັມມະການຄູ່ມື-ຫຼັກສູດ, ຄະນະກັມມະການກັມມະຖານ, ຄະນະກັມມະຖານທັມມະສັນຈອນ;
- ຄົ້ນຄວ້າ, ສ້າງແຜນດຳເນີນງານ, ຂໍ້ກຳນົດ, ກົດລະບຽບ, ຄຳແນະນຳ, ຄູ່ມື-ຫຼັກສູດ;
- ຮັບຜິດຊອບຈັດຕັ້ງໜ່ວຍງານ ຝຶກອົບຮົມ, ສຶກສາ, ເຜີຍແຜ່ ໃຫ້ໄດ້ທັງ ປະລິມານ ແລະ ຄຸນນະພາບ ເພື່ອຮັບໃຊ້ໃນການເຄື່ອນໄຫວວຽກງານ;
- ດຳເນີນວຽກງານຕາມນະໂຍບາຍ ແລະ ແຜນການທີ່ໄດ້ກຳນົດໄວ້ ປະສານງານລະຫວ່າງຫົວນ້າກັມມາທິການ ເພື່ອກຳນົດໜ້າວຽກໃຫ້ແກ່ຫົວໜ້າຄະນະກັມມະການໄດ້ນຳເອົາແຜນການໄປປະຕິບັດ
- ຕິດຕາມ, ກວດກາ ສູນປະຕິບັດທັມ ໃນ ວັດ, ທໍຣະນີສົງ ຢູ່ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ ແລະ ຕ່າງປະເທດ ຕາມຄວາມເໝາະສົມ;
- ສະຫຼຸບ, ສັງລວມ ແລະ ລາຍງານ ການປະຕິບັດວຽກງານ ຂອງຕົນ ຕໍ່ ຄະນະ ກັມມາທິການ ຢ່າງເປັນປົກກະຕິ;
- ຄົ້ນຄ້ວາ, ກວດກາເອກະສານສໍາຄັນຕ່າງໆ ທີ່ຢູ່ໃນຄວາມຮັບຜິດຊອບຂອງຕົນ ກ່ອນຈະນໍາສະເຫນີຕໍ່ຫົວໜ້າກັມ ມາທິການ;
- ເຂົ້າຮ່ວມກອງປະຊຸມກັມມາທິການ ແລະ ກອງປະຊຸມຄົບຄະນະຂອງກັມມາທິການ;
- ສະເຫນີຕໍ່ຫົວໜ້າກັມມາທິການ ກ່ຽວກັບການແຕ່ງຕັ້ງ, ປົດຕໍາແຫນ່ງ, ສັບຊ້ອນ, ຍົກຍ້າຍ, ຍ້ອງຍໍ ຫຼື ປະຕິບັດວິໄນຕໍ່ພຣະສົງ-ສາມະເນນ ທີ່ຢູ່ພາຍໃຕ້ຄວາມຮັບຜິດຊອບຂອງຕົນ;
- ສະເຫນີຕໍ່ຫົວໜ້າກັມມາທິການແຕ່ງຕັ້ງ, ສັບຊ້ອນ ພະນັກງານທີ່ຢູ່ໃນຄວາມຮັບຜິດຊອບຂອງຕົນ ເພື່ອເຂົ້າຮ່ວມກອງປະຊຸມ, ໄປຍົກລະດັບ, ເຂົ້າຮ່ວມຝຶກອົບຮົມໄລຍະສັ້ນ-ໄລຍະຍາວ ຫຼື ວຽກງານໃດໜຶ່ງ ຢູ່ພາຍໃນ ແລະ ຕ່າງປະເທດ;
- ລົງລາຍເຊັນໃສ່ເອກະສານຕ່າງໆ ແລະປະຕິບັດຫນ້າທີ່ແທນຫົວໜ້າກັມມາທິການໃນກໍລະນີທີ່ໄດ້ຮັບສິດ;
- ປະຕິບັດຫນ້າທີ່ແທນຫົວໜ້າກັມມາທິການໃນກໍລະນີ ທີ່ໄດ້ຮັບມອບສິດໃຫ້ປະຈໍາການ ຫຼື ເປັນປະທານກອງປະຊຸມໃດໜຶ່ງ ຕາມການມອບໝາຍ;
- ນໍາໃຊ້ສິດ ແລະ ປະຕິບັດຫນ້າທີ່ອື່ນ ຕາມການມອບຫມາຍຂອງຫົວໜ້າກັມມາທິການ ຫຼື ຄະນະປະຈໍາສູນກາງອົງການພຸດທະສາສະໜາສັມພັນ ແຫ່ງ ສປປ ລາວ.
- ໜ້າທີ່ຄະນະກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ ມີ ດັ່ງນີ້:
- ຜັນຂະຫຍາຍບັນດານິຕິກໍາ ແລະ ແຜນການເຄື່ອນໄຫວວຽກງານຂອງກັມມາທິການ ໃຫ້ເປັນແຜນການເຄື່ອນ ໄຫວລະອຽດ ໃນຂົງເຂດຄວາມຮັບຜິດຊອບຂອງຕົນ;
- ຮັບຜິດຊອບ ແລະ ຈັດຕັ້ງປະຕິບັດວຽກງານ ຕາມໜ້າວຽກງານ ທີ່ຖືກມອບໝາຍ;
- ປະຕິບັດຕາມຄຳສັ່ງ ແລະ ຄຳແນະນຳ ໃນການດຳເນີນງານ ຂອງຄະນະກັມມາທິການ;
- ສ້າງແຜນງານ ແລະ ແຜນງົບປະມານ ແລ້ວນຳສະເໜີ ຕໍ່ ກອງປະຊຸມຂອງຄະນະກັມມາທິການ ເພື່ອພິຈາຣະນາ ແລະ ອະນຸມັດ ໃນການຈັດຕັ້ງປະຕິບັດ;
- ຕິດຕາມ ການປະຕິບັດວຽກງານ ຂອງກັມມາທິການເຜີຍແຜ່ສີລະທັມ ແລະ ປະຕິບັດ ກັມມະຖານ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ ຕາມລະບຽບການ ແລະ ຕາມການມອບໝາຍ;
- ໃກ້ຊິດ, ຕິດແທດ ກັບ ທ້ອງຖິ່ນ, ພຸດທະສາສະນິກະຊົນ ແລະ ປະຊາຊົນລາວບັນດາ ເຜົ່າ ໂດຍມີການປະສານສົມທົບກັບ ອົງການປົກຄອງທ້ອງຖິ່ນ ແລະ ພາກສ່ວນທີ່ ກ່ຽວຂ້ອງ ໃນການເຄື່ອນໄຫວວຽກງານ ຂອງກັມມາທິການ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ໃຫ້ຄະນະກັມມາທິການ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ ຢ່າງເປັນ ປົກກະຕິ ທຸກໆເດືອນ;
- ເຂົ້າຮ່ວມກອງປະຊຸມ ສາມັນ ແລະ ວິສາມັນ ຂອງກັມມາທິການ ຕາມການນິມົນ.
- ຄົ້ນຄ້ວາປະກອບຄໍາເຫັນໃສ່ນິຕິກໍາ ຫຼື ເອກະສານຕ່າງໆ;
- ສະເໜີບັນຫາ ຫຼື ຄໍາເຫັນຕ່າງໆ ຈາກພາກສ່ວນພາຍນອກ;
- ເຂົ້າຮ່ວມກອງປະຊຸມຝຶກອົບຮົມ, ສໍາມະນາຕ່າງໆ.
- ຄະນະກັມມະການ ຫ້ອງການກັມມາທິການ
- ພາລະບົດບາດ ສິດແລະໜ້າທີ່
- ເປັນເສນາທິການໂດຍກົງ ແລະ ຮອບດ້ານ ໃຫ້ແກ່ ຫົວໜ້າ ,ຮອງຫົວໜ້າ ກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານ ສູນກາງ
- ປະສານສົມທົບ ແລະ ອຳນວຍຄວາມສະດວກໃຫ້ແກ່ບັນດາຄະນະກັມມາທິການ ພ້ອມທັງພາກສ່ວນອື່ນທີ່ກ່ຽວ ຂ້ອງ ຕາມຂອບເຂດຄວາມຮັບຜິດ ຊອບຂອງຕົນ.
- ປະຕິບັດຕາມແນວທາງທີ່ຫົວໜ້າ ແລະ ຮອງຫົວໜ້າ ກັມມາທິການກຳນົດໄວ້,ຕັດສິນໃຈໄລຍະສັ້ນໃນການດຳເນີນວຽກງານ ຊ່ວຍເຫຼືອ ແລະ ແກ້ໄຂບັນຫາໃຫ້ກັບທິມງານ ,ສ້າງແຮງຈູງໃຈ ແລະ ສາາດຮັບຜິດຊອບແທນຜູ້ທີ່ຢູ່ໃນຄະນະກັມມະການຂອງຕົນໄດ້
- ເປັນເຈົ້າການໃນການນຳສະເໜີຄົ້ນຄວ້າ ແກ້ໄຂບັນຫາ ທີ່ເກີດຂຶ້ນ
- ເລຂານຸການ
- ຮັບຜິດຊອບເອກກະສານຂາອອກ – ຂາເຂົ້າ
- ພົວພັນປະສານງານ ລະຫວ່າງອົງການຈັດຕັ້ງພຣະສົງກັບກະຊວງ, ອົງການທຽບເທົ່າກະຊວງ, ອົງການປົກຄອງທ້ອງຖິ່ນ, ການຈັດຕັ້ງ ແລະ ພາກສ່ວນທີ່ກ່ຽວຂ້ອງ ຕາມຫຼັກທັມ ມະວິນັຍ, ທັມມະນູນສົງລາວ, ກົດໝາຍ ແລະ ລະບຽບການ ໂດຍຜ່ານຫ້ອງການບໍລິຫານງານ ສູນກາງອົງການພຸດທະສາສະໜາສັມພັນ ແຫ່ງ ສປປ ລາວ, ອົງການພຸດທະສາສະໜາສັມພັນລາວ ແຂວງ, ນະຄອນຫຼວງ, ເມືອງ, ເທດສະບານ, ນະຄອນ;
- ຕິດຕາມ ແລະ ສັງລວມ ຜົນການຈັດຕັ້ງປະຕິບັດວຽກງານ ຂອງແຕ່ລະຄະນະກັມ ມາທິການ ພ້ອມລາຍງານຝ່າຍວິຊາການ ເປັນແຕ່ລະໄລຍະ;
- ຕິດຕາມບົດລາຍງານ ປະຈຳ ເດືອນ, ສາມເດືອນ, ຫົກເດືອນ ແລະ ໜຶ່ງ ປີ ຂອງແຕ່ລະຄະນະກັມມາທິການ ເພື່ອເປັນບົດສະຫຼຸບລາຍງານຝ່າຍບໍລິຫານ;
- ຈັດເກັບ ແລະ ຮັກສາເອກະສານ ຂາອອກ-ຂາເຂົ້າ ຂອງກັມມາທິການ ຢ່າງເປັນລະບົບ;
- ຈັດຕັ້ງສະຖານທີ່ເຮັດວຽກ ຂອງແຕ່ລະຄະນະກັມມາທິການ ຢ່າງແທດເໝາະ ລວມທັງ ການຈັດສະຖານທີ່ປະຊຸມ, ການຮັບຮອງ ແລະ ພິທີການອື່ນ;
- ຂຶ້ນແຜນ ແລະ ຈັດຊື້ເຄື່ອງໃຊ້ຫ້ອງການ, ອຸປະກອນຮັບໃຊ້ ພ້ອມທັງຈົດບັນທຶກລົງທະບຽນໃນການຄຸ້ມຄອງຮັກສາ ຢ່າງເໝາະສົມ;
- ຕິດຕາມ ແລະ ບັນທຶກ ມະຕິ, ຄຳສັ່ງ, ຄຳແນະນຳ ໃນກອງປະຊຸມຄະນະ ກັມມາທິການ ແລ້ວສະຫຼຸບລາຍງານ.
- ບັນຊີ
- ສັງລວມ, ຂຶ້ນແຜນງົບປະມານ, ຄຸ້ມຄອງ ແລະ ກວດກາ ການນຳໃຊ້ງົບປະມານ ໃຫ້ຖືກຕ້ອງຕາມແຜນງານ ແລະ ລະບຽບການ;
- ກວດກາ,ບັນທຶກບັນຊີລວມທັງເອກະສານການເງິນກ່ຽວກັບ ລາຍຮັບ-ລາຍຈ່າຍ ໃນແຕ່ລະ ເດືອນໃຫ້ຖືກຕ້ອງ;
- ກວດແຜນກ່ອນເບີກຈ່າຍງົບ ໃນກິດຈະກຳຍ່ອຍບໍ່ເກີນ ສາມ ຫາ ຫ້າ ວັນ ຫຼັງຈາກໄດ້ ຮັບເອກະສານພ້ອມສະຫຼຸບລາຍງານ ໜີ້ທີ່ ຕ້ອງຈ່າຍ, ຕ້ອງຮັບ, ຕ້ອງສົ່ງ ແລ້ວແຈ້ງຕໍ່ ຄັງເງິນສົດ ເປັນລາຍເດືອນ;
- ສະຫຼຸບບັນຊີ ປະຈຳ ເດືອນ, ສາມເດືອນ, ຫົກເດືອນ, ໜຶ່ງ ປີ ແລ້ວລາຍງານຕໍ່ກອງປະຊຸມ ຂອງຄະນະກັມມາທິການ ໃນການໃຊ້ງົບປະມານ.
- ການເງິນ
- ຮັບເງິນສົດ, ເງິນບໍຣິຈາກ ເຂົ້າບັນຊີກັມມາທິການ ຊ້າສຸດບໍ່ໃຫ້ກາຍ ສາມ ຫາ ຫ້າ ວັນ;
- ຮັບຜິດຊອບ ແລະ ຄຸ້ມຄອງ ລະບຽບການໃຊ້ຈ່າຍຕາມແຜນ ປະຈຳ ເດືອນ, ສາມເດືອນ, ຫົກເດືອນ ແລະ ແຜນວຽກງານປະຈຳປີ;
- ຄຸ້ມຄອງ ແລະ ຮັບຜິດຊອບການເງິນໃຫ້ເປັນໄປຕາມລະບຽບການເງິນຂອງກັມມາທິການ
- ຮັບຜິດຊອບການເງິນທັງໃນ ແລະ ນອກງົບປະມານທີ່ໃຊ້ໃນການດຳເນີນກິດຈະກຳຂອງກັມມາທິການ
- ລວບລວມ, ຈັດສົ່ງທຸກເອກະສານ ໃຫ້ຝ່າຍບັນຊີ ເພື່ອບັນທຶກເກັບມ້ຽນ;
- ສະຫຼຸບ,ລາຍງານການເຄື່ອນໄຫວວຽກງານຕໍ່ກອງປະຊຸມສາມັນຫຼືວິສາມັນຂອງກັມມາທິການ.
- ພິທີການ
- ປະສານງານໃນການຈັດກອງປະຊຸມ,ງານບຸນ,ນິທັດສະການ,ການຕ້ອນຮັບແຂກ ຕະຫຼອດເຖິງຂັ້ນຕອນ ຂອງການຈັດງານຕ່າງໆໃນກັມມາທິການ
- ສ້າງກຳນົດການໃນພິທີການຕ່າງໆຮ່ວມກັບຄະນະກັມມະການທີ່ກ່ຽວຂ້ອງໃນກັມມາທິການ
- ປະສານງານກັບຄະນະກັມມາທິການ,ຄະນະກັມມະການໜ່ວຍງານເພື່ອເອົາຂໍ້ມູນໃນການຈັດງານ
- ຄະນະກັມມະການ ກອງທຶນ
- ພາລະບົດບາດ
- ຮັບຜິດຊອບວຽກງານລະດົມທຶນ ເພື່ອນຳໃຊ້ເຂົ້າໃນການບໍລິຫານການເຄື່ອນໄຫວ ວຽກງານຂອງກັມມາທິການ;
- ຄົ້ນຄວ້າ, ສ້າງແຜນ, ຂຶ້ນແຜນ ໃນການລະດົມທຶນຫຼາຍຊ່ອງທາງ ແລ້ວນຳສະເໜີເພື່ອຂໍມະຕິຕໍ່ກອງປະຊຸມຂອງຄະນະກັມມາທິການ ໃນການຈັດຕັ້ງປະຕິບັດ;
- ສະຫຼຸບ,ລາຍງານ ການເຄື່ອນໄຫວວຽກງານຂອງຕົນຕໍ່ກອງປະຊຸມສາມັນຫຼື ວິສາມັນ ຂອງກັມມາທິການ.
- ຄະນະກັມມະການ ຄູ່ມື–ຫຼັກສູດ
- ພາລະບົດບາດ
- ສ້າງຄູ່ມື-ຫຼັກສູດ, ການຮຽນການສອນ ການເທດສະໜາທັມ ທີ່ກ່ຽວກັບຫຼັກທັມຄຳສອນໃນທາງ ພຣະພຸດທະສາສະໜາ ແລະ ວາລະແຫ່ງຊາດ ລວມທັງ ຕຳລາອື່ນໆ ເພື່ອນໍາໃຊ້ເຂົ້າໃນການເຜີຍແຜ່ສີລະທັມ ແລະ ປະຕິບັດກັມມະຖານ;
- ຄົ້ນຄວ້າ, ແປ ແລະ ຈັດພິມ ຄຳພີພຣະໄຕຣປິດົກ, ໜັງສື ຕ່າງໆ;
- ຄົ້ນຄວ້າ, ວິໄຈ ແລະ ພັດທະນາຕຳລາ, ຫຼັກສູດການຮຽນ, ຫຼັກສູດການສອນ ໃນການເຜີຍແຜ່ທັມມະໃຫ້ກວ້າງຂວາງ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ຕໍ່ກອງປະຊຸມ ສາມັນ ຫຼື ວິສາມັນ ຂອງຄະນະກັມມາທິການ.
- ຄະນະກັມມະການ ກັມມະຖານ
- ພາລະບົດບາດ
- ຮັບຜິດຊອບວຽກງານການເຜີຍແຜ່ສີລະທັມ ແລະ ປະຕິບັດກັມມະຖານ ໃນຫຼາຍ ຮູບການ ແລະກວ້າງຂວາງ;
- ຮັບຜິດຊອບຈັດຕັ້ງ ໜ່ວຍງານຫຼັກສູດ, ໜ່ວຍງານຝຶກອົບຮົມ, ໜ່ວຍງານວິປັດສະນາ ຈານ ເພື່ອຕອບສະໜອງໃຫ້ແກ່ວຽກງານເຜີຍແຜ່ສີລະທັມ;
- ຄົ້ນຄວ້າ, ສ້າງແຜນງານ ໃນການເຄື່ອນໄຫວວຽກງານ ໃນຂອບເຂດຕົນຮັບຜິດຊອບ;
- ດຳເນີນໂຄງການເຜີຍແຜ່ສີລະທັມ ແລະ ປະຕິບັດກັມມະຖານ, ໂຄງການບັນພະຊາສາມະເນນ, ໂຄງການອົບຮົມສີລະທັມໃຫ້ແກ່ເຍົາວະຊົນຊາວໜຸ່ມນັກຮຽນ ລວມທັງຜູ້ທີ່ກຳລັງຖືກຄຸມຂັງ ແລະ ດັດສ້າງ, ໂຄງການແກ້ໄຂສິ່ງແວດລ້ອມ, ໂຄງການສະກັດກັ້ນຢາເສບຕິດ;
- ສະຫຼຸບ,ລາຍງານການເຄື່ອນໄຫວວຽກງານຂອງຕົນຕໍ່ກອງປະຊຸມສາມັນຫຼືວິສາມັນຂອງກັມມາທິການ.
- ພັດທະນາ ຫຼັກສູດ
- ຄົ້ນຄວ້າ, ວິໄຈ ແລະ ພັດທະນາ ພ້ອມຈັດພິມຕຳລາ ໜັງສືທັມມະ ວິນັຍ ຕ່າງໆ;
- ຄົ້ນຄວ້າ, ສ້າງ ຄູ່ມື-ຫຼັກສູດ, ຂໍ້ກຳນົດ, ກົດລະບຽບ ໃນການຮຽນ, ການສອນ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ໃຫ້ແກ່ຫົວໜ້າຄະນະ.
- ຄົ້ນຄວ້າ, ສ້າງຫຼັກສູດໂດຍໃຫ້ມີຫຼັກວິຊາການທັງທາງໂລກ ແລະ ທາງທັມ ໃນ ການຝຶກອົບຮົມ ເພື່ອໃຫ້ແທດເໝາະກັບສະພາບໃນປະຈຸບັນ;
- ຝຶກອົບຮົມ ສ້າງວິທະຍາກອນ, ສ້າງວິປັດສະນາຈານ ໃຫ້ເປັນຜູ້ຊຳນານໃນການເຜີຍແຜ່ສີລະທັມ ໂດຍຮັບປະກັນທັງປະລິມານ ແລະ ຄຸນນະພາບ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ໃຫ້ແກ່ຫົວໜ້າຄະນະ.
- ວິປັດສະນາຈານ
- ຈັດຕັ້ງຄະນະວິປັດສະນາຈານ ພ້ອມຝຶກອົບຮົມ ໃຫ້ເປັນຜູ້ຊຳນານໃນການ ເຜີຍແຜ່ທັມ ເພື່ອປະກອບເຂົ້າຮັບໃຊ້ວຽກງານເຜີຍແຜ່ສີລະທັມ;
- ຈັດຕັ້ງ ແລະ ເຄື່ອນໄຫວວຽກງານ ຕາມຂອບເຂດທີ່ຕົນຮັບຜິດຊອບ ໂດຍການຕົກລົງເຫັນດີ ຂອງຄະນະກັມມາທິການ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ໃຫ້ແກ່ຫົວໜ້າຄະນະ.
- ຄະນະກັມມະການ ທັມມະສັນຈອນ
- ພາລະບົດບາດ
- ຈັດຕັ້ງຄະນະວິທະຍາກອນລວມທັງພຣະສົງ ແລະ ຄາລະວາດ ພ້ອມຝືກອົບຮົມໃຫ້ເປັນຜູ້ຊຳນານໃນການລົງສອນສີລະທັມທັມຕາມໂຮງຮຽນ ສະຖານສຶກສາ ໃຫ້ແກ່ເຍົາວະຊົນ – ອະນຸຊົນ ລວມທັງຜູ້ທີ່ກຳລັງຖືກຄຸມຂັງ ແລະ ດັດສ້າງ, ພຸດທະສາສະນິກກະຊົນ ແລະ ປະຊາຊົນບັນດາເຜົ່າ ໃຫ້ເປັນຄົນດີ ມີສີລະທັມ ເປັນພົນລະເມືອງດີຂອງປະເທດຊາດ ແລະ ເປັນທາຍາດທີ່ດີຂອງພຸດທະສາສະໜາ;
- ຄົ້ນຄວ້າ, ສ້າງແຜນວຽກ ແລະ ແຜນງົບປະມານໃນການຈັດຕັ້ງປະຕິບັດ;
- ຈັດຕັ້ງ ແລະ ເຄື່ອນໄຫວວຽກງານ ຕາມຂອບເຂດ ທີ່ຕົນຮັບຜິດຊອບ ໂດຍການຕົກລົງເຫັນດີ ຂອງຄະນະກັມມາທິການ;
- ສະຫຼຸບ, ລາຍງານການເຄື່ອນໄຫວວຽກງານຂອງຕົນຕໍ່ກອງປະຊຸມສາມັນຫຼື ວິສາມັນ ຂອງກັມມາທິການ.
- ຈັດຕັ້ງປະຕິບັດໂຄງຮ່າງ, ກົດລະບຽບ, ຂໍ້ຕົກລົງ, ແບ່ງນໜ້າວຽກງານຂອງໜ່ວຍງານ.
- ເສີມຂະຫຍາຍກິດຈະກຳຂອງໜ່ວຍງານເຊັ່ນ: ລົງສອນສີລະທຳໃນໂຮງຮຽນ, ເຝິກອົບຮົມພຣະ ອສມ,ເຮັດບຸນໃນໂຮງຮຽນ, ບັນຍາຍທຳຕາມສະຖາບັນ, ອົບຮົມເຍົາວະຊົນ, ໂຮງຮຽນສີຂຽວ, ໂຮງຮຽນກະເສດຊີວະພາບ, ບວດປ່າ-ບວດໜອງ, ລະດົມທຶນຊ່ວຍສັງຄົມ ແລະ ພັດທະນາຫຼັກສູດການເຝິກອົບຮົມ-ການສອນສີລະທຳຂອງຕົນໃຫ້ດີຂຶ້ນເລື້ອຍໆ.
- ປຸກລະດົມຂົນຂວາຍແຫຼ່ງທຶນຕ່າງໆ ເຂົ້າໃນກິດຈະກໍາຂອງໜ່ວຍງານ ດ້ວຍຕົນເອງພາຍໃຕ້ນະໂຍບາຍຂອງໂຄງການພຸດທະສາສະໜາເພື່ອການພັດທະນາ.
- ຈັດສັນສະມາຊິກເຂົ້າເຝິກອົບຮົມ, ໄປທັດສະນະສຶກສາເບິ່ງວຽກງານ ແລະ ການລົງກິດຈະກໍາຕ່າງໆຂອງໜ່ວຍງານ.
- ບໍລິຫານວຽກງານຂອງຕົນ ເພື່ອໃຫ້ບັນລຸເປົ້າໝາຍຂອງໜ່ວຍງານທີ່ວາງນະໂຍບາຍໄວ້ທີ່ຈະຊ່ວຍເຫຼືອສັງຄົມ ໃຫ້ໄດ້ຫຼາຍເທົ່າທີ່ທາງໜ່ວຍງານຈະເຮັດໄດ້ ໃຫ້ໄດ້ດັ່ງຄວາມໝາຍຄຳຂວັນຂອງໜ່ວຍງານທຳມະສັນຈອນ ໃນການປູກສ້າງຈິດສຳນຶກໃຫ້ແກ່ເຍົາວະຊົນໃນໂຮງຮຽນທີ່ວ່າ: “ ເກັ່ງ ດີ ມີຄຸນນະທຳ ນຳປະໂຫຍດສູ່ສັງຄົມ ” ເປັນຄຸນລັກສະນະເປົ້າໝາຍສູງສຸດຂອງການພັດທະນາຊັບພະຍາກອນມະນຸດ.
- ໜ່ວຍງານທຳມະສັນຈອນມີບົດບາດໃນການພັດທະນາສັງຄົມໃນດ້ານຕ່າງໆເຊັ່ນ: ການຮັກສາວັດທະນະທໍາຮີດຄອງປະເພນີອັນດີງາມຂອງຊາດ, ຮັກສິ່ງແວດລ້ອມ ແລະອື່ນໆ.
- ມີບົດບາດໃນການສ້າງບຸກຄະລາກອນພຣະສົງໃນການເຜີຍແຜ່ສີລະທັມ-ຈະຣິຍະທຳໃຫ້ກັບສັງຄົມລາວກໍຄືເຍົາວະຊົນລາວບັນດາເຜົ່າ.
- ເຮັດໃຫ້ເຍົາວະຊົນມີຄວາມອ່ອນນ້ອມຖ່ອມຕົນ ຮູ້ຈັກບຸນຄຸນພໍ່-ແມ່ ຄູບາອາຈານ ແລະທ່ານຜູ້ມີບຸນຄຸນທັງຫຼາຍ. ໃຫ້ນັກຮຽນມີຄວາມຮູ້ຄວາມສາມາດທາງດ້ານສີລະທຳ ແລະກ້າສະແດງອອກ ຄິດເປັນເຮັດເປັນ ໃນທາງທີ່ຖືກຕ້ອງຂອງຕົວເຂົາເຈົ້າເອງ.
- ມີບົດບາດໃນການປູກຈິດສຳນຶກໃຫ້ນັກຮຽນຮູ້ຈັກປະຕິບັດຕົນໄປໃນທາງທີ່ຖືກຕ້ອງ ແລະດີງາມ ຫ່າງໄກຈາກສິ່ງເສບຕິດຮ້າຍແຮງທຸກຊະນິດ ຕະຫຼອດການຫຼີກເວັ້ນຈາກອະບາຍຍະມຸກທັງປວງ ທີ່ເຮັດໃຫ້ຕົນເອງ ແລະສັງຄົມໄດ້ຮັບຜົນເສຍຫາຍໃນດ້ານລົບຕ່າງໆ ທີ່ທຸກຄົນບໍ່ປາຖະໜາ.
- ຄະນະກັມມະການ ຝຶກອົບຮົມ
- ຄົ້ນຄວ້າ, ສ້າງຫຼັກສູດໂດຍໃຫ້ມີຫຼັກວິຊາການທັງທາງໂລກ ແລະ ທາງທັມ ໃນ ການຝຶກອົບຮົມ ເພື່ອໃຫ້ແທດເໝາະກັບສະພາບໃນປະຈຸບັນ;
- ເຝິກອົບຮົມ ສ້າງວິທະຍາກອນ, ສ້າງວິປັດສະນາຈານ ໃຫ້ເປັນຜູ້ຊຳນານໃນການເຜີຍແຜ່ສີລະທັມ ໂດຍຮັບປະກັນທັງປະລິມານ ແລະ ຄຸນນະພາບ;
- ເຝິກອົບຮົມເພື່ອສ້ງຄວາມເຂັ້ມແຂງໃຫ້ແກ່ກັມມາທິການ ທັງສ່ວກາງແລະທ້ອງຖິ່ນ
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນ ໃຫ້ແກ່ຫົວໜ້າຄະນະ.
- ຄະນະກັມມະການ ສື່–ປະຊາສຳພັນ
- ພາລະບົດບາດ
- ຮັບຜິດຊອບວຽກງານສື່ໂຄສະນາປະຊາສຳພັນ ຜ່ານຫຼາຍຮູບແບບ;
- ນຳໃຊ້ສື່ເຂົ້າໃນການເຜີຍແຜ່ຫຼັກພຣະທັມຄຳສອນ ໃນທາງພຣະພຸດທະສາສະໜາ ຕະຫຼອດເຖິງແນວທາງນະໂຍບາຍຂອງພັກ-ລັດ ໃຫ້ແຜ່ຫຼາຍ ແລະ ກວ້າງຂວ້າງ ຮັບປະກັນຄວາມສາມັກຄີ, ສາສະໜາ, ພຸດທະສາສະນິກະຊົນ ແລະ ປະຊາຊົນລາວບັນດາເຜົ່າ;
- ນຳສະເໜີຜົນງານ ຂອງກັມມາທິການເຜີຍແຜ່ສີລະທັມ ແລະ ປະຕິບັດກັມມະຖານສູນກາງອົງການພຸດທະສາສະໜາສັມພັນ ແຫ່ງ ສປປ ລາວ ລວມທັງກິດຈະກຳທາງສາສະໜາເຊັ່ນ: ການບຳເພັນບຸນກຸສົນ, ການໃຫ້ຄວາມອຸປະຖຳ ຊຸກຍູ້ ຊ່ວຍເຫຼືອ ຂອງບັນດາການນຳ, ບຸກຄົນ, ນິຕິບຸກຄົນ, ພຸດທະສາສະນິກະຊົນແລະ ປະຊາຊົນລາວບັນດາເຜົ່າ;
- ສະຫຼຸບ, ລາຍງານ ການເຄື່ອນໄຫວວຽກງານຂອງຕົນຕໍ່ກອງປະຊຸມສາມັນຫຼືວິສາມັນ ຂອງກັມມາທິການ.
- ສື່ໂທລະພາບ
- ຄົ້ນຄວ້າ, ສ້າງແຜນວຽກ ແລະ ແຜນງົບປະມານ ໃນການຈັດຕັ້ງປະຕິບັດ;
- ຜະລິດລາຍການຕ່າງໆ ພ້ອມເຜີຍແຜ່ໃຫ້ໄດ້ຕາມຄາດໝາຍ ປະຈຳແຕ່ລະເດືອນ;
- ສື່ວິທະຍຸ
- ຄົ້ນຄ້ວາ, ສ້າງແຜນວຽກ ແລະ ແຜນງົບປະມານ ໃນການຈັດຕັ້ງປະຕິບັດ;
- ຜະລິດລາຍການຕ່າງໆ ພ້ອມເຜີຍແຜ່ໃຫ້ໄດ້ຕາມຄາດໝາຍ ປະຈຳແຕ່ລະເດືອນ;
- ສື່ອອນລາຍ
- ຄົ້ນຄ້ວາ, ສ້າງແຜນວຽກ ແລະ ແຜນງົບປະມານ ໃນການຈັດຕັ້ງປະຕິບັດ;
- ຜະລິດລາຍການຕ່າງໆ ພ້ອມເຜີຍແຜ່ໃຫ້ໄດ້ຕາມຄາດໝາຍ ປະຈຳແຕ່ລະເດືອນ;
- ສື່ສິ່ງພິມ
- ຄົ້ນຄ້ວາ, ສ້າງແຜນວຽກ ແລະ ແຜນງົບປະມານ ໃນການຈັດຕັ້ງປະຕິບັດ;
- ຜະລິດລາຍການຕ່າງໆ ພ້ອມເຜີຍແຜ່ໃຫ້ໄດ້ຕາມຄາດໝາຍ ປະຈຳແຕ່ລະເດືອນ;
- ຄະນະກັມມະການ ໂຄງການ
- ຂຽນບົດສະເໜີໂຄງການ ເພື່ອນໍາສະເໜີພາກສ່ວນກ່ຽວຂ້ອງ ເພື່ອຂໍງົບປະມານໃນການເຄື່ອນ ໄຫວວຽກງານຂອງກັມມາທິການ;
- ບັນດາໂຄງການຕ່າງໆ ຈັດຕັ້ງຂຶ້ນ ແມ່ນ ເພື່ອຊ່ວຍປະກອບສ່ວນເຂົ້າ ໃນການປົກປັກຮັກສາ ແລະ ສ້າງສາພັດທະນາ ຕາມແນວທາງນະໂຍບາຍຂອງພັກ-ລັດ ແລະ ພຣະພຸດທະສາສະໜາ, ຮີດຄອງປະເພນີ, ວັດທະນະທຳສັງຄົມ ຕາມຂອບເຂດຄວາມຮັບຜິດຊອບຂອງຕົນ ຊຶ່ງມີພຣະສົງລາວ ເປັນຜູ້ຮັບຜິດຊອບ ໂດຍມີການປະສານສົມທົບກັບພາກສ່ວນທີ່ກ່ຽວຂ້ອງ;
- ຈັດຕັ້ງປະຕິບັດໂຄງການຕາມລະບຽບການນໍາໃຊ້ເງິນຂອງຜູ້ໃຫ້ທຶນ ຢ່າງເຂັ້ມງວດ.
- ທີ່ປຶກສາກິດຕິມະສັັກ ກັມມາທິການເຜີຍແຜ່ສີລະທັມ ແລະ ວິປັດສະນາກັມມະຖານສູນກາງ
- ຫນ້າທີ່ ແລະ ຂອບເຂດສິດ
- ເຂົ້າຮ່ວມກິດຈະກໍາ ດ້ວຍຄວາມສະໝັກໃຈ;
- ເຂົ້າມາເຮັດວຽກໃນຫ້ອງການ ກັມມາທິການ ບາງຄັ້ງຄາວ ແລະ ຕາມໜ້າວຽກຮຽກຮ້ອງຕ້ອງການ;
- ເຮັດໜ້າທີ່ເປັນທີ່ປຶກສາໃຫ້ແກ່ຄະນະກັມມະການດ້ານໃດ ດ້ານໜຶ່ງຕາມຄວາມຖະໜັດຂອງຕົນເອງ;
- ປະກອບສ່ວນ ສ້າງຍຸດທະສາດ 10 ປີ, ແຜນດໍາເນີນການ 5 ປີ ແລະ ເປັນທີ່ປຶກສາໃນການສ້າງແຜນປະຈໍາປີຂອງ ຄະນະກັມມະການດ້ານທີ່ຕົນເອງສະໝັກເຂົ້າຊ່ວຍ;
- ປະກອບສ່ວນຊ່ວຍສ້າງ ແລະ ກວດແກ້ ຄູ່ມື ແລະ ສື່ ຕ່າງໆ;
- ປະກອບສ່ວນໃນການເປັນຄູຝຶກ ບາງຫົວຂໍ້ ຕາມທີ່ຕົນເອງຖະໜັດ;
- ຊ່ວຍລະດົມທຶນຈາກພາຍໃນ ແລະ ພາຍນອກ ຕາມຄວາມເໝາະສົມ.
ໜ່ວຍງານກອງທຶນ ແມ່ນຂະແໜງແມ່ນອີກຂະແໜງານໜຶ່ງທີ່ຂຶ້ນກັບຮອງຫົວໜ້າ ກັມມາທິການຝ່າຍບໍລິຫານ ມີບົດບາດສຳຄັນ ໃນການຊອກຫາແຫຼ່ງທຶນເພື່ອສະໜັບ
ສະໜູນການເຄື່ອນໄຫວວຽກງານຂອງກັມມາທິການໃຫ້ສາມາດເຄື່ອນໄຫວວຽກງານຕ່າງໄດ້ຢ່າງມີປະສິດທິພາບ
ຄະນະຮັບຜິດຊອບ
– ພຣະອາຈາຣຍ໌ທອງເສີມ ສີບຸນເຮືອງ
– ພຣະອາຈາຣຍ໌ອຸໄທ ສໍວຽງໄຊ
– ພຣະອາຈາຣຍ໌ໂສພາ ສີບຸນເຮືອງ
– ພຣະອາຈາຣຍ໌ພອນສະຫວັນ ແສງສຸລິຍະວົງ
– ພຣະອາຈາຣຍ໌ຖາວອນ ອີ່ມສຸກ
– ພຣະອາຈາຣຍ໌ສົມບູນ ວິລະວ
